Tanya sia ƒe nyati vevitɔe nye "be woagbugbɔ ame adzi tso Tsi kple Gbɔgbɔ me." Gbãtɔ ƒe nɔnɔme le esi le nyatia ŋu. Ne míagblɔe bubui la, agbalẽ sia gblɔ nusi nye gbugbɔgadzi kple alesi woagbugbɔ ame adzi tso tsi kple Gbɔgbɔ me la na mí kɔte le ɖekawɔwɔ me kple Biblia. Tsia nye kpɔɖeŋu na Yesu ƒe nyɔnyrɔxɔxɔ le Yordan tɔsisi me eye Biblia gblɔ be míaƒe nuvɔ̃wo katã wotsɔ yi na Yesu esime Yohanes Amenyrɔɖetsimela la de mawutsi ta nɛ. Yohanes nye ameƒomea katã teƒenɔla eye wònye Nunɔlagã Aron ƒe dzidzimevi. Aron tsɔ eƒe asiwo da ɖe vɔsalã la ƒe ta dzi eye wòtsɔ Israel-viwo ƒe ƒe sia ƒe ƒe nuvɔ̃wo katã da ɖe edzi le Avuléŋkekea dzi. Enye nu nyui siwo gbɔna la ƒe vɔvɔli. Yesu ƒe nyɔnyrɔxɔxɔ nye asidada ɖe ame dzi ƒe kpɔɖeŋu. Wona nyɔnyrɔ Yesu le asidada ɖe Yordan-tɔsisia to ƒe nɔnɔme me. Eyata eɖe xexeame ƒe nuvɔ̃wo katã ɖa to eƒe nyɔnyrɔxɔxɔ me eye woklãe ɖe ati ŋu be wòaxe fe ɖe nuvɔ̃awo ta. Gake Kristotɔ akpa gãtɔ menya nu si tae Yohanes Amenyrɔɖetsimela tsɔ nyɔnyrɔ Yesu le Yordan me o. Yesu ƒe nyɔnyrɔxɔxɔ nye agbalẽ sia ƒe nya vevitɔ, eye wònye Tsi kple Gbɔgbɔ ƒe Nyanyui la ƒe akpa si hiã vevie. Míate ŋu adzi mí ake ne míexɔ Yesu ƒe nyɔnyrɔxɔxɔ kple Eƒe Atitsoga dzi se ko.